अहिंदूंना मंदिर प्रवेशासाठी मंदिराच्या नियमांचे पालन आणि नोंदवहीत नावनोंदणी बंधनकारक, हा निर्णय राज्यातील सर्व मंदिरांसाठी लागू राहील.
पलानी: मद्रास उच्च न्यायालयाने एका ऐतिहासिक निर्णयात म्हटले आहे की, मंदिर हे पर्यटन स्थळ नाही आणि तेथे अहिंदूंना प्रवेश नाकारला जाऊ शकतो. न्यायालयाने तमिळनाडूतील प्रसिद्ध पलानी मुरुगन मंदिराने याचिका दाखल केल्यानंतर हा निर्णय दिला आहे.
याचिकेत म्हटले आहे की, मंदिरात येणाऱ्या अनेक अहिंदू भाविकांमुळे हिंदू भाविकांच्या भावना दुखावल्या जातात. यावर न्यायालयाने म्हटले आहे की, जर अहिंदूंना मंदिरात प्रवेश करायचा असेल तर त्यांना मंदिराच्या नियमांचे पालन करावे लागेल आणि मंदिर प्रशासनाच्या नोंदवहीत त्यांच्या प्रवेशाची नोंद करावी लागेल.
न्यायालयाने हा निर्णय राज्यातील सर्व मंदिरांसाठी लागू करण्याचे निर्देश दिले आहेत. या निर्णयामुळे राज्यातील अनेक मंदिरांमध्ये अहिंदूंना प्रवेशावर बंदी येण्याची शक्यता आहे.
तमिळनाडू सरकारचा विरोध:
तमिळनाडू सरकारने या निर्णयाला विरोध दर्शवला आहे. सरकारने म्हटले आहे की, धर्मनिरपेक्ष राज्य असल्यामुळे प्रत्येक नागरिकाला धार्मिक स्थळाला भेट देण्याचा अधिकार आहे.
न्यायालयाचा युक्तिवाद:
न्यायालयाने सरकारच्या विरोधाला फेटाळून लावत म्हटले आहे की, अहिंदूंच्या भावनांबद्दल सरकारला चिंता आहे पण हिंदूंच्या भावनांचे काय? न्यायालयाने तंजावुर येथील बृहदीश्वर मंदिर परिसराला पर्यटकांनी सहलीचे स्थान केल्याबद्दल आणि मांसाहारी जेवण शिजवले जात असल्याचा मुद्दा उपस्थित केला.
मद्रास उच्च न्यायालयाच्या या निर्णयामुळे राज्यातील मंदिरांमध्ये अहिंदूंना प्रवेशावरून वाद निर्माण होण्याची शक्यता आहे.
