🚨 नागपुरात ‘नो‑पार्किंग’ चा दांभिक डाव! फक्त दुचाकीच उचलणार? चारचाकींना VIP वागणूक?

नागपूर शहरात एक व्हिडीओ सध्या सोशल मीडियावर धुमाकूळ घालत आहे — आणि यामधून समोर येतेय एक गंभीर बाब. शासनाची ‘नो‑पार्किंग’ कारवाई रात्री 10 वाजेपर्यंत सुरू असणारी महाराष्ट्रातील एकमेव सरकारी यंत्रणा ही आता प्रश्नाच्या भोवऱ्यात सापडली आहे.

आयटी पार्क परिसरात दररोज संध्याकाळी फक्त दुचाकींवरच कारवाई होताना दिसत आहे. चारचाकी वाहनं मात्र खासगी क्लासेसच्या आड सावली घेत खुल्लमखुल्ला पार्किंग करतायत — आणि त्यांच्यावर कोणतीही कारवाई होत नाही! हाच मुद्दा नागपूरकरांना संतप्त करत आहे.

व्हिडीओमध्ये स्पष्टपणे दिसते की, वाहतूक यंत्रणा रात्री उशिरापर्यंत धावपळ करत आहे, पण तिचं लक्ष्य केवळ दुचाकींवरच केंद्रित आहे. चारचाकी वाहनं मात्र ‘अदृश्य’ असल्यासारखी वागणूक घेतायत!
ही दुटप्पी कारवाई नेमकी कोणाच्या दबावामुळे? प्रायव्हेट कोचिंग क्लासेसचा राजकीय पाठिंबा?
हे सगळं पाहता नागपूरकर आता विचारू लागलेत – “दुचाकीचं काय बापाचं शेत आहे का?”

सोशल मीडियावर #TrafficNGP, #NagpurCityPolice, #NMCNGP आणि #Devendra_Fadnavis हॅशटॅग्सद्वारे विविध प्रतिक्रिया उमटत आहेत. काहींनी ही ‘वाहन पक्षपाती कारवाई’ थेट VIP संस्कृतीचं प्रतीक असल्याचं म्हटलंय.

View this post on Instagram

A post shared by Acharya Abhishek (@imaacharya)

आता प्रश्न स्पष्ट आहे:

नागपूरमधील वाहतूक यंत्रणेला फक्त दुचाकीच का दिसतात?
चारचाकी गाड्या “कोचिंग क्लास”च्या नावावर मोकळ्या का?
आणि सर्वात महत्वाचं – कायदा सर्वांसाठी सारखा नको का?

🛑 नागपूरकरांनो, आता वेळ आलीय जागे होण्याची.
“नो‑पार्किंग” ही सुविधा आहे की फक्त दुचाकीवाल्यांसाठीची शिक्षा?