चंद्रपूर जिल्ह्यातील जिल्हा सामान्य रुग्णालय व शासकीय वैद्यकीय महाविद्यालयात सोनोग्राफीसाठी 15 दिवसांची प्रतीक्षा करावी लागत आहे. यामुळे रुग्णांची गैरसोय होत आहे. यावर आमदार किशोर जोरगेवार यांनी आरोग्य प्रशासनाला तातडीने सोनोग्राफीची सुविधा उपलब्ध करून देण्याचा इशारा दिला आहे.
आमदार जोरगेवार यांनी सोमवारी शासकीय वैद्यकीय महाविद्यालय व शासकीय रुग्णालयात आढावा बैठक घेतली. या बैठकीला शासकीय वैद्यकीय महाविद्यालयाचे अधिष्ठाता मिलिंद कांबळे, विभागप्रमुख डॉ. प्रशांत उईके, डॉ. जीवने यांच्यासह अनेक महाविद्यालयातील अधिकाऱ्यांची उपस्थिती होती.
या बैठकीत आमदार जोरगेवार यांनी रुग्णालयातील सेवा सुविधांबाबत चर्चा केली. त्यांनी रुग्णांना सोनोग्राफीसाठी 15 दिवसांची प्रतीक्षा करावी लागत असल्याची तक्रार केली. यावर आरोग्य प्रशासनाने तातडीने सोनोग्राफीची सुविधा उपलब्ध करून देण्याचे आश्वासन दिले.
आमदार जोरगेवार यांनी रुग्णालयात येणाऱ्या रुग्णांना सौजन्याची वागणूक देण्याचेही निर्देश दिले. तसेच रुग्णालयात पिण्याच्या पाण्याची सुविधा, वाॅर्डातील लाइट व पंखे बंद असल्यास त्या तत्काळ दुरुस्त करणे, रुग्णांवर परिपूर्ण उपचार करणे, वैद्यकीय उपकरणे नादुरुस्त असल्यास त्याची तत्काळ दुरुस्ती करणे, रुग्णांना बाहेरून तपासणी करण्यास बाध्य करणारे प्रकार अजिबात खपवून घेतले जाणार नाही, असेही निर्देश दिले.
या बैठकीमुळे चंद्रपूर जिल्हा रुग्णालयातील सेवा सुविधांबाबत चर्चांना उधाण आले आहे. आमदार जोरगेवार यांच्या इशाऱ्यानंतर आरोग्य प्रशासनाला तातडीने कारवाई करण्याची गरज आहे.
